22
Aug
10

carpe diem: tur med franske brør iii

Ny kjapp bloggpost på ferja, no på retur frå  sunnmørsalpane til Ålesund; messe i Vår Frue krk og så den lange driven  ned Gudbrandsdalen via Romsdalen til Oslo. Vi har hatt flotte dagar på Fausa! Fredag var det for dårleg vêr og folk var litt for trøytte til å gå på Slogen, så toppturen tok vi i går, til Dalmanshornet/Brunstadtinden (1500 moh), med kjempeutsikt over dalar, tindar, taggar, brear (som minkar, alas), skoglier, fossande elvar. Langt ute i vest øyriket vi kom frå, langt i sør ser vi Jostedalsbreen (Lodalskåpa), langt i aust fjellviddene i Nord-Gudbrandsdalen…

På gjenhøyr!


3 Responses to “carpe diem: tur med franske brør iii”


  1. 1 Øivind
    august 22, 2010 ved 6:42 pm

    Tettare på det bygdenorske har vel ikkje kontinentale dominikanarar vore sidan føre reformasjonen. Og med cisterciensarar ved Tinnsjøen, på Tautra, i Lofoten og på Munkeberget, er agrarkatolisisme noko vi heldigvis må rekne med her nord i åra som kjem.

  2. august 26, 2010 ved 7:56 am

    Litt meir agrarkatolisisme er bra! Sjøl har eg sagt at det trengs meir fjøslukt i norsk katolisisme! Cisterciensarar/trappistar er jo bønder, og dominikanarar er byfolk, men gjennomvandra land og strand på sine preike- og tiggarferder.

    🙂

  3. 3 Øivind
    august 26, 2010 ved 12:58 pm

    Av ein cisterciensarabbed i Massachusetts høyrde eg ein gong forteljinga om kva som skjedde då ein marist, ein jesuitt og ein trappist helste på i stallen i Betlehem. Maristen snakka intenst med Maria medan jesuitten var sers oppteken av at Josef måtte sende guten i krubba på gode skular når den tid kom. Cisterciensaren heldt seg noko i bakgrunnen før han til slutt pikka Josef på aksla og sa: «Du, kan eg ta med meg noko av gjødsla på golvet her heim til åkrane ved klosteret?»


Legg att eit svar

Fill in your details below or click an icon to log in:

WordPress.com logo

Du kommenterer no med WordPress.com-kontoen din. Logg ut /  Endre )

Google photo

Du kommenterer no med Google-kontoen din. Logg ut /  Endre )

Twitter-bilde

Du kommenterer no med Twitter-kontoen din. Logg ut /  Endre )

Facebook-foto

Du kommenterer no med Facebook-kontoen din. Logg ut /  Endre )

Koplar til %s


kategoriar


%d bloggarar likar dette: