Eg er her! På cella i det store dormitoriet i St Thomas Aquinas-klosteret i Lille; faktisk vegg i vegg med den cella eg hadde dei åra eg tilhøyrde dette klosteret. Ljost og fint, utsyn over den store, grøne parken, med dei same veldige lauvkuplane, kastanjetrea og poplane. Skal vere her til 21. mai.
Bussturen frå Køpenhamn gjekk fint. Sørover Sjelland – og denne gongen blei eg merksam på skiltet «Udby», heilt i sør. Det var Grundtvigs heimesokn; det kvite, takkete kyrkjetårnet lyste i kveldssola, grøne marker vidt i kring. Ferja frå Rødby til Puttgarden i frisk bris og sol over til Puttgarden, langs den vakre nordtyske kysten, innom Lübeck med dei store, oppragande kyrkjetårna, vidare til Hamburg, ein halv time pause, kaffi på MacDonald, så susande vidare gjennom natta til Bremen og sørover. Og vestover. Men då sov eg. Vakna i Antwerpen, byen eg nokre gonger hika frå, med norske trailarar. Det ljosnar raskt over det urbane landskapet mellom Antwerpen og Brussel. Der er vi ved Gare du Nord berre fem minutt etter ruta, fem over seks, altså. Frater Haavar står klar med den vesle, franske blikkboksbilen. Ein time plusspluss på motorvegen, med rask rast for kaffi og lett morgnvask på ein servicestasjon.
På plass.
Så flott at alt gikk bra! Håper du får anledning til å hilse frater Haavard Simon fra meg.
Jeg ønsker dere alle en fin tid, påsketid som det jo er, med en hilsen fra Oslo.
Mange hilsner fra
Herman
Du fortjener et avbrekk nå i stille omgivelser, sånn som du har stått på siden i sommer! Men savner deg likevel i Neubergata.Skal selv en svipptur til Barcelona i mai.Ellers jobber jeg med Guds skaperverk i hagen og nyter mine små barnebarn,også de tre underverk.Hils Håvard.Alt godt!