11
Jul
09

carpe diem: Terminus.

Vel framme/tilbake på Stranda, etter ei vike på hjul. Kan ikkje akkurat seie Å, hjul med din glede, for akkurat hjula lurte meg litt denne gongen. Dekket frå Ørsta i går gav også opp, på Skylstad i Norangsdalen! Men holet var lite, så eg pumpa og sykla meg opp heile den bratte dalen og let det stå til unnabakke ned mot Hellesylt med stor fart og lite luft. Ikkje bra, men dette var siste etappe, så det fekk stå til. Skodda ned i fjella i går letta meir og meir i dag og denne dalen er eit drama av ein dal, kolsvarte fjellsider, toppar på 1600- og 1700 moh rett opp på begge sider, du passerer Slogen, Smørskredtind, Skruven, Kvitegga og fleire. Smaragdgrøne skredlier, fossande elv, blanke vatn, stølar av gråstein og torv, som grodde opp av jorda. Planen var å stoppe litt og økte, men no gjaldt det om å komme heilskinna til Hellesylt. Der er det Bygdadagar med marknad og folkeliv, og avtalen var å møte familie frå Stranda og få skyss med dei.

Dermed kom eg tidleg fram. Rett på den vesle, lune badestranda, av med svette T-skjorter etc og ut i sjøen – som verkeleg var iskald, også etter min smak. Nokre dagars nordavind inn fjorden («Ut-rønå», som sagt) og mykje kaldt elvavatn frå snøsmeltinga i fjella gjer sitt. Når vêret er frå ein annan kant, er det ofte varmt i sjøen her inne i dei inste fjordane. Vel, eg blei tørr og varm etterpå; skifte skjorte og shorts og roa meg på grasbakken ned mot fjøra.

Skulle hatt meir tid og ro påRovdestranda, torsdag, og i Norangsdalen i dag; elles har det vore strålande dagar. Framdrift, fridom, opne og mektige landskap. My way. Takk for fylgjet!

No blir det litt kvild og litt fjellturar med base på Stranda; til torsdag.


4 Responses to “carpe diem: Terminus.”


  1. 1 Herman
    juli 11, 2009 ved 8:09 pm

    Lørdag 11. juli. Det er dagen til St. Benedict av Nursia, en svært monastisk skikkelse i katolsk terminologi får man si! Han grunnla vel noe sånt som tolv klostre og en hel orden. Hans tvillingsøster grunnla den kvinnelige grenen, og det heter seg at St. Benedict var på besøk hos sin tvillingsøster, da han til slutt så at det begynte å bli sent, og han ville tilbake til sine brødre i klosteret Montecassino. Han syntes ikke det sømmet seg å overnatte i et kvinnekloster, og det begynte å bli mørkt.

    Da ba Sta. Monica en bønn til Gud, og det blåste opp til et slikt uvær at St. Benedict måtte overnatte i kvinneklosteret, enda så from han var på alle måter.

    Han ble sikkert mobbet litt da han kom tilbake til brødrene.

    Håper du får en fin kveld så lenge den varer, og siden det ikke er så mange kvinneklostre som krever din tilstedeværelse der du er nå, så blir det sikkert ikke uvær heller, får vi håpe!

    Hilsen Herman

  2. 2 Randi Koch
    juli 13, 2009 ved 5:48 pm

    Hallo spreke bror…..en liten sommerhilsen fra en ikke fullt så sprek stavangerdame. jeg følger med på dine reisebrev-må vel bli bok til slutt, som garantert vil bli antatt.»Reisebrev anno 2009 fra en vestlandsmunk».
    Vennlig hilsen Randi

  3. 3 Thomas S.
    juli 13, 2009 ved 6:34 pm

    Norangsfjorden og dalen med fjellene rundt må være noe av det vakreste i Norge. Vekker gode minner om flere opphold på hotel Union i Øye (før restaureringen) med turer til Slogen og Smørskredtind m.m. Lengter tilbake.

    Du imponerer med din innsats på sykkelsetet og takling av punktert dekk.

    Fortsatt god sommer!

    Beste hilsen Thomas

  4. juli 13, 2009 ved 7:01 pm

    Takk for helsingar! Tvilar på om det blir bok av dette, men… Sykkelen er på helsestasjon her på Stranda, dersom diagnosen er bra, rullar han vidare med nye slagar/evt -hjul.- Elles må eg skaffe meg ein ny.

    Noragsfjorden med omgjevnader er breathtakingly vakkert; denne underlege kombinasjonen av det sterke og det ømme som er typisk for sunnmørs- og vestlandsnaturen. Opphøgd og samtidig uunngåeleg nært; du slepp ikkje unna desse fjella og fjordane.


Legg att eit svar

Fill in your details below or click an icon to log in:

WordPress.com logo

Du kommenterer no med WordPress.com-kontoen din. Logg ut /  Endre )

Google photo

Du kommenterer no med Google-kontoen din. Logg ut /  Endre )

Twitter-bilde

Du kommenterer no med Twitter-kontoen din. Logg ut /  Endre )

Facebook-foto

Du kommenterer no med Facebook-kontoen din. Logg ut /  Endre )

Koplar til %s


kategoriar


<span>%d</span> bloggarar likar dette: