02
Apr
09

nota bene: «A very African Message»

Det elles nokså pavekritiske, høgst offisielle, britiske, katolske magasinet The Tablet har på leiarplass den overskrifta som lyser over teksten her (28.mars-09). Benedikts fyrste offisielle Afrika-vitjing var ein tvillaus suksses, konstaterer bladet. Kvaliteten på talane, møtet med dei entusiastiske massane – alt blåste bort skyene som samla seg den fyrste dagen, då han på veg ut av flyet svara spontant på journalistane sine evindlege kondomspørsmål.

Berre i Luanda, den angolske hovudstaden, var det over ein million tilstades på utandørs-messa han feira der. På ulike møte og samlingar tala han –sytten talar – om kampen mot fattigdom, stammekonfliktar og korrupsjon, om kvinnene sin sentrale plass i verdiformidlinga i famile og samfunn, om å hevde Jesu Kristi makt mot okkultisme og trolldom. Til store skarer av ungdomar gav han utfordringa om å våge livslange engasjement, det vere seg i ekteskap ellelr kyrkjeleg teneste.

Og kondomane? Det verkar som om både norske og utlandske media trur paven er skpetiske til kondomane fordi dei ikkje er ”tette” nok og difor upålitande. Poenget er sjølvsagt at den einsidige tilliten til prevensjonsmidlar går utanom det som på sikt er den eigentlege løysinga på HIV- Aids-epidemien: Ei ansvarleg forvalting av den menneskelege seksualiteten. Kondomet er sjølve symbolet på at den vestlege seksualetikken er gjennomførleg og uproblematisk. Den seksuelle frigjeringa – det er Vestens eigentlege fridoms-prosjekt, det store prestisjeprosjektet. Det er universelt og må sjølsagt ikkje vise seg å svikte i den fattige delen av verda. Her står det mykje på spel; difor det oppheita hysteriet rundt denne greia.

Faktum er at i kampen mot epidemien og i omsorga for dei som er råka, står den katolske kyrkja heilt fremst, også i Afrika, gjennom institusjonar og helsearbeid. ”På verdensbasis pleies 25 prosent av alle hiv- og aidssmittede ved katolske helseinstitusjoner, i enkelte afrikanske land over 50 prosent” (Pål Brattbakk, Den kat. Krk.s Info-teneste; dagens Vårt Land, s 24). Skulle ikkje undre meg om han har rett.

Paven får også støtte frå den russisk-ortodokse kyrkja: ”The spread of HIV could be lessened not by contraceptives but by education and a lifestyle that was not ’sinful, aimless and senseless” – igjen i fylgje The Tablet som siterer ein talsmann for Moskva-patriarkatet (departementet for eksterne kyrkjelege relasjonar).

Interessant er likeeins (uventa?) støtte frå The Aids Prevention Research Project ved Harvard Center for Population ansd Developement Studies (direktøren/antropologen Edward C. Green: ”The best evidence we have supports the Pope’s comments… There is a consistent association shown by our best studies between greater availability and use of condoms and higher (not lower) HIV-infection rates” The Tablet siterer eit intervju med Green i den amerikanske avisa National Review og legg til at det , i fylgje Green, handlar om ”risk compensation”. Dei som brukar risiko-kompensasjon, som kondomar, tek ofte større sjansar.

For denne bloggredaktøren er det ikkje mogeleg å ta vitskapleg stilling til desse synspunkta; men dei fortener og bli presenterte i den norske, einsidige settingen.

På stadig fleire måtar er Afrika eit viktigare katolsk kontinent enn Europa og Nord-Amerika.


4 Responses to “nota bene: «A very African Message»”


  1. 1 Herman
    april 3, 2009 ved 4:19 am

    Hei.
    Mange er opprørt over Pavens utspill når det gjelder bruk av kondomer i kampen mot mot AIDS. Det er jo lett å tenke seg at bruk av kondom vil være enkelt som en prevantiv affære mot denne sykdommen. Men den vestlige verden, som har en kiosk på hvert gatehjørne, ser kanskje ikke at preventivet ikke er like lett tilgjengelig i hele Afrika, og kanskje ikke der det er «mest aktuelt», heller? Steder med overtro og heksedoktorer, der jomfruer blir sett på som beste medisin? Ser egentlig vesten hva troen kjemper mot på dette kontinentet, eller ser den ikke troen selv?

    Hilsen Herman

  2. april 3, 2009 ved 11:26 am

    Vesten er fyrst og fremst ute etter å overtyde verda om at «fri sex» er Ok – dersom ein berre «sikrar» seg…
    Her er det ein heil livsstil som står på spel.

  3. 3 Herman
    april 3, 2009 ved 1:11 pm

    Det er ikke til å komme utenom at verdens, si vestens, trosspørsmål nr 1 er hvorvidt man er for eller imot kondombruk eller ikke. Egentlig kan man se at dette er litt morsomt, eller litt tragisk. Den stadige tilbakevenden til kondomen blir ofte gjentatt som om spørsmålet var et kriterium for å gå inn i Den Katolske Kirke og motta troen, men som oftest blir spørsmålet stilt av mennesker som gjerne vil rette på Kirken, selv om de aldri vil ha mot til å gå inn i den selv.

  4. april 4, 2009 ved 7:42 am

    Takk til blogredaktøren for det han skrev.


Legg att eit svar

Fill in your details below or click an icon to log in:

WordPress.com logo

Du kommenterer no med WordPress.com-kontoen din. Logg ut /  Endre )

Google photo

Du kommenterer no med Google-kontoen din. Logg ut /  Endre )

Twitter-bilde

Du kommenterer no med Twitter-kontoen din. Logg ut /  Endre )

Facebook-foto

Du kommenterer no med Facebook-kontoen din. Logg ut /  Endre )

Koplar til %s


kategoriar


<span>%d</span> bloggarar likar dette: