14
Mar
09

carpe diem: Fredrikstad igjen; kurs i gregoriansk song…

Sta Birgitta kyrkje i Fredrikstad har vore åstad for eit kurs i gregoriansk song og tidebøn denne vike-slutten. Arrangør har eigentleg vore domorganisten i Fredrikstad i samarbeid med bispedømekontoret i Borg – og med det katolske Birgitta-koret. Førti deltakarar; menn og kvinner, prestar og lekfolk, korsongarar og kyrkjemusikarar. Vi har sunge og øvd og innmellom halde/høyrt foredrag om song og liturgi. For eit par timar sidan avslutta vi kurset med ein høgtidleg vesper her i kyrkja, med ministrantar, røykjelse oig det heile. ”Lat mi bøn gjelda som røykoffer for deg; mine opplyfte hender som eit offer om kvelden…”, står det i Salmen.

I går var det litt ”social evening” på den lokale ”Jeppes Pizza”.
No er eg nettopp ferdig med kveldsmessa i Sta Birgitta og pausar litt på gjesteromet her. Stille og fredfullt. I morgon tidleg er det meir øving – for eg skal vere med å framføre ´to bibelske salmar (Introitus og Graduale; inngangssong og svarsalme etter lesinga) – og det blir ekumenisk, for det finn stad i den lutherske høgmessa i domkyrkja her! Det er rykande ferskt materiale, laga av ein ”coming man”, musikkstudent og alt no ein dyktig komponist: Jo Hegle Sjøflot! For vel ein vike sidan blei han spontant beden om å lage desse sakene, og det har han gjort både kjapt og nydeleg! Fylg med i komande salmebok-utgåver!

Primus motor for helga har vore domorganisten, Tore Erik Mohn og komponisten og kyrkjemusikaren Henrik Ødegaard, mangeårig organist/kantor i Nes og Sauherad.

Ei kreativ helg, med andre ord. Ut på dagen i morgon vender eg nasa mot Oslo. Det regnar lett ute, og det fordriv marssnøen som eg er inderleg lei av…


3 Responses to “carpe diem: Fredrikstad igjen; kurs i gregoriansk song…”


  1. 1 Ingvild
    mars 15, 2009 ved 4:04 pm

    Har hørt rykter om det fine kurset allerede! Kunne ikke prioritere det selv, enda så nære jeg bor…! Jeg øver meg i gregorianikken på Lunden av og til!

    Hint til deg, Arnfinn: Det ligger et spørsmål etter foredraget i Porsgrunn som venter på svar – jeg gjorde et lite forsøk, men «Olav» fortjener et bedre svar, tenker jeg!

  2. mars 15, 2009 ved 10:19 pm

    Takk -og svar er posta! 🙂

  3. mars 17, 2009 ved 3:22 pm

    Jeg takker Arnfinn og Jo for flott sang ved høymessen i domkirken. Je Hegle Sjøflot dere; Merk dere navnet. Svært god melodisk sans, snerten ahrmonikk og sterk egenart.


Legg att eit svar

Fill in your details below or click an icon to log in:

WordPress.com logo

Du kommenterer no med WordPress.com-kontoen din. Logg ut /  Endre )

Google photo

Du kommenterer no med Google-kontoen din. Logg ut /  Endre )

Twitter-bilde

Du kommenterer no med Twitter-kontoen din. Logg ut /  Endre )

Facebook-foto

Du kommenterer no med Facebook-kontoen din. Logg ut /  Endre )

Koplar til %s


kategoriar


<span>%d</span> bloggarar likar dette: