eg seier ikkje meir..
PANTHEON DE PARIS
Den dekonsakrerte kyrkja
omgjort til tempel
for Fedrelandets Store Menn
ikkje dei ukjende soldatane
men dei velkjende
generalane
filosofane
ingeniørane
litteratane
alle Dei Store Parykkane
Den Absolutt Opplyste Majesteten
og alle hans absolutt opplyste lakeiar
World Proud Center
eit veldig interplanetarisk insekt
som har lagt seg over verda
ei svart sol
eit strålande mørkre
tungt
tungt
av ingenting
PS
Sett at nokon hadde teke
Bachs messe i h-moll
tetta alle vindauga
og omkomponert henne
til ode for Frederik Den Store
av Preussen (ikkje Alf)?
sic transit gloria Dei
